من طرف محمد صيموعه ضلك قدامي............... انغامك عحسب الطلب شكلها
خلي الخليقه تسمع كلامي ................ عالهون الهون الدقه مهلها
واستنى عليي تايفوض غرامي............ ومثل ما بدك تبقى شيلها
يا اهل الهوى ليش الملامي ............ قصدي ابواب الطرب كملها
كرمال عيونك يا حلو القامي .......... يا ابو العين السوده مكحلها
واسمع يا محمد معنى كلامي ............ اسمع محبوبي اوصافو بكاملها
ابو التنوره تقطيع الضامي ......... عالوان مواج البحر مشكلها
والشعر الاشقر قديش هو نامي ............. اشتهت اصحاب الحضره تجدلها
وجبينا بدر بحين الظلامي ............ يضوي المعموره بكل منازلها
رسم الحواجب خط القلامي .............. سبحان الخالق اللي قافلها
كل رمش بعينا امضى من حسامي .......... ان لدت عاطيور السما تنزلها
هيك حكو اهل الهوى قدامي .............. واللي مش قانع هاتو يقابلها
عالخد الايسر مابدع هالشامي ........... تاهت افكاري بيش تمثلها
وسنانا حب البرد نمنامي ............ لولو وياقوت وجوهر داخلها
ريقا ترياق بيحيي الانامي .......... من الشهد الصافي جنا نحلها
انظر بعنقا عنق الحمامي ............ ما الو قلب الصايد يقتلها
اصابع ديها مثل القلامي ........ فضه نقيه الصايغ شاغلها
وبايدا ساعه خلقه برزنامه .......... نبض من غير جهاز يشغلها
تسوا بغداد وحلب والشامي ............. تسوا برلين وكل محاصلها
وانشافا العبد عاف العمامه ........ ويقول هاللفه بدي بدلها
صارلي عمبعبد مدري كم عامي .......... فكري لوقت اخر اجلها
في مهلي حتى تقوم القيامي .............. وان كنلي حصه بعود بحصلها
روحي يا حليوه وصلت لعظامي ......... وطبيب يداوي غيرك ما الها
ان ربي خلاني ومد بايامي ............. لابنيلك اوضى بقلبي وجملها
والناموسيه من ريش نعامي .......... يحرم عا غيرك حدا يدخلها
انت احكميني مابد اعدامي ......... ولا يحكم غيرك ساعه مسجونا
